An alle Lü, dä Freide an dä plattdütsche Sproke häwwet!
Et es sowiet! Endlich könnt git ink wier op en schönen Obend op Platt gefasst maken.
Tom 35. Plattdütschen Obend daut vie ink van Hiärten inladen. Dä Obend finnet statt am
Friedag, 24. November 2023, üm 19.00 Uhr
im Forum van dä Grundschoole „Börgersbruch“
in dä Dresdener Stroote 43.
Vie häwwet Kontakt opgenuommen tom Stiepeler Verein für Heimatforschung, AK
Plattdeutsch, un freit us, dat van do Heinz-Jürgen Hensing in userm Programm metmaken well.
Todäm wellt Hans-Gert Burggräfe, Hanspeter Dabruck, Annegret Glaser un Kurt Minter ink so
manchet op Platt vertellen. Et sitt Stückskes, dä dat Li’erwen so schriewet. Et es ok wier vürl
Lustiget dobie, et draff jedenfalls van Hiärten gelacht wärd’n.
Tom Oplockern wellt vie alle ok wi’er en paar plattdütsche Liedkes singen. Dat vie ok dä
richtigen Töne driäpt, doför sittet Arnd Pleiger am Klaveer.
In dä Poose gi’et et wier leckern Greinkoahl met Mettwuoß.
För dat Programm un dat Iätten maut jedereen 15 Euro an dä Obendkasse betahlen.
Wä an däm Obend dobie sien well, dä maut sick anmelden bie:
Gerhard Koch, Tel. 02324-74128
Christina Herrmann, Tel. 02324-74028
Met fröndliche Grüße